"CON VOZ PROPIA": OBRADOIRO PRESENCIAL DE CANTO E BENESTAR NA UNED DE TUI

• Para xerar sentimentos de calma, seguridade e presencia.
• Para reforzar emocións de autoestima e  apoderamento.
• Para desenvolver  cualidades de asertividade e de valentía.
• Para aprender novas maneiras de sentir e expresarnos.
• Para compartir e socializar.

Dirixido a todas as persoas que amen a música  e o canto aínda que non estean moi seguras do seu “talento” musical. Está enfocado ao Benestar das persoas e utilizan a Voz, o Canto, a Respiración e a Expresión Corporal como vehículos para a expresión emocional e para a descuberta de si.

Non é preciso ter experiencia previa en canto ou música.

O Obradoiro ten a súa base na Musicoterapia, na Danza terapia e noutras técnicas de integración holística. Todas estas técnicas terapéuticas  teñen como eixe común a conexión co corpo e as sensacións a través de canles de comunicación NON VERBAIS.

A expresión non verbal axuda a expresar contidos incómodos, opresivos ou “tabú”

O non verbal nos permite acceder a contidos para os que “as palabras non son suficientes” porque a experiencia é  “primitiva” ou “infantil” (preverbal). O non  verbal comunica dende a “verdade” corporal que non engana. O non verbal exprésase dende dentro cara a afora (como a voz) e dende abaixo cara a arriba (dende o corpo/sensación ata a mente/cognición).

Neste Obradoiro, utilizarase a forza do grupo para desbloquear e liberar voz, corpo e emocións traballando para xerar e integrar cambios en nós. Asemade, abriranse espazos de confianza e respecto para que cada persoa  poida aportar os seus valores individuais para que o grupo aprenda, se transforme e medre. 

• Aula UNED de Tui, do 4 de Outubro 2023 ao 12 de Xuño 2024.
  
  
• 62 horas repartidas en sesións semanais de 2 horas cada unha.
  
  
• Todos os Mércores alén festivos e vacacións de 17.00 a 19.00.

Inscríbete aquí.